Oralda shaǵyn fýtboldan polkovnık K.Mahambetovti eske alýǵa arnalǵan jarys márege jetti
ORAL. QazAqparat - «Aqjaıyq» fýtbol klýbynyń stadıonynda mılıtsııa polkovnıgi Karl Mahambetovti eske alýǵa arnalǵan shaǵyn fýtboldan jarys márege jetti.
BQO ishki ister departamentiniń baspasóz qyzmetinen túsken málimetke qaraǵanda, Karl Mahambetov ómir boıy sporttyń fýtbol, voleıbol, basketbol syndy túrlerimen aınalysty. Stýdent kezinde-aq ınstıtýt quramasynda oınaǵan keıin Oraldaǵy «Dınamo» fýtbol klýbyna alyndy. Saqshylar sapynda qyzmet etken ol leıtenanttan mılıtsııa polkovnıgine deıingi joldan ótti. Qyzmetiniń sońǵy on jylynda departamenttiń qoǵamdyq tártipti saqtaý basqarmasyn basqardy. Zeınetke shyqqannan keıin «Dınamo» fýtbol klýbyn jattyqtyrdy, onyń quramynda ishki ister ǵana emes, ulttyq qaýipsizdik jáne tótenshe jaǵdaılar organdarynyń da qyzmetkerleri boldy.
Bıyl úshinshi ret uıymdastyrylyp otyrǵan dástúrli jarysqa quqyq qorǵaý organdarynan barlyǵy 10 komanda qatysyp, baq synady. Týrnır qorytyndysynda QR UQK Shekara qyzmetine qarasty 2029-áskerı bóliminiń komandasy jeńimpaz atansa, QR UQK BQO boıynsha departamenti ekinshi, BQO TJ departamenti úshinshi oryndy ıelendi. Jeńimpaz-júldegerler kýbok, medaldarmen, gramota, baǵaly syılyqtarmen marapattaldy.
