Oralda shaǵyn fýtboldan dástúrli týrnır márege jetti
ORAL. QazAqparat - Astana kúnine oraı shaǵyn fýtboldan Oral garnızony áskerı prokýrorynyń kýbogy úshin dástúrli týrnır márege jetti, dep habarlaıdy «QazAqparat» tilshisi.
QR Ulttyq ulany «Batys» óńirlik qolbasshylyǵynyń baspasóz qyzmetinen túsken málimetke qaraǵanda, olımpıadalyq júıe boıynsha ótken jarysqa barlyǵy segiz komanda qatysyp, baq synady.
Oral garnızony áskerı prokýrory, ádilet polkovnıgi Altynbaı Raevtyń aıtýynsha, atalmysh týrnır áskerı qyzmetkerler arasynda salaýatty ómir saltyn ornyqtyrý maqsatynda jyl saıyn Astana kúnine oraı uıymdastyrylyp keledi. Ásirese, jastar sportty serik etse, utylmaıtyny anyq.
Tartysty ótken týrnır qorytyndysynda QR UQK shekara qyzmeti 2029-áskerı bóliminiń komandasy jeńimpaz atandy. Oral garnızony áskerı prokýratýrasy ekinshi, QR Ulttyq ulany 5517-áskerı bólimi arnaıy bólinis jasaǵy komandasy úshinshi orynǵa ıe boldy.
Barlyq jeńimpaz-júldegerler kýbok, dıplomdarmen, eskertkish medaldarmen, al úzdik oıynshylar gramota, baǵaly syılyqtarmen marapattaldy.
