Oralda septıkke túsip ketken 3 jasar bala jansaqtaý bóliminde jatyr
ORAL. QazAqparat – Oralda septıkke túsip ketken 3 jasar bala jansaqtaý bóliminde jatyr, dep habarlaıdy QazAqparat tilshisi.
QazAqparat budan buryn jazǵandaı, Oralda ata-anasynyń qaraýynsyz qalǵan 3 jasar bala septıkke túsip ketken bolatyn.
Oblystyq densaýlyq saqtaý basqarmasynyń naqtylaýynsha, kútýshiniń sózine qaraǵanda, aýlaǵa shyqqan bala septıkke túsip ketken.
Ony sol tustan ótip bara jatqan er adamdar shyǵaryp alǵan.
«Balanyń tynys alý joly buzylyp, toqtaǵan. Aýzyna jasandy tynys berý jasalyp, qalalyq kópbeıindi aýrýhanaǵa jetkizgen. Balany bólimshe meńgerýshisi hırýrg, kezekshi reanımatolog jáne neırohırýrgpen birge qarap, medıtsınalyq kómek kórsetilgen. Oblystyq kópbeıindi balalar aýrýhanasynan reanımatolog pen hırýrg shaqyrtylǵan. Shuǵyl túrde jansaqtaý bólimine jatqyzylǵan balanyń jaǵdaıy aýyr» dep habarlady vedomstvodan.
Eske sala keteıik, budan buryn BQO-da túıisken eki júk kóligi órtenip, 2 adam men 39 jylqynyń janyp ketkenin bolatynbyz.
