Oralda senbilik kezinde er adamnyń basyna muz kesegi qulady
ORAL. QazAqparat - Oralda senbilik kezinde er adamnyń basyna úlken súńgi muz qulady, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa 2 naýryz kúni tańerteń oryn aldy.
Jalpyqalalyq senbilikke qatysqan M.Ótemisov atyndaǵy Batys Qazaqstan memlekettik ýnıversıtetiniń qyzmetkeriniń basyna muz súńgi qulaǵan.
«1959 jylǵy er adam qalalyq kópbeıindi aýrýhanaǵa jetkizildi. Dárigerler qarap, bas pen mıdyń jaraqaty joq dep, ambýlatorlyq em alýǵa jiberdi», dedi QazAqparat tilshisine A.Saqposynova.
Bul - osyndaı ekinshi oqıǵa. 1 naýryz kúni ortalyq bazar aýdanynda D.Nurpeıisova kóshesi boıyndaǵy qos qabatty «Nateatralnoı» saýda úıiniń tóbesinen áıel adamnyń basyna muz qulaǵan edi. Ol da aýyr jaraqaty bolmaǵandyqtan, ambýlatorlyq em alýǵa jiberildi.
Oralda bıyl qardyń kóp túsýine baılanysty senbilik uıymdastyrylǵan bolatyn. Qazirgi kezde qala boıynsha 35 aýmaq sý basý qaýpi bar dep tanylyp otyr.
Eske sala keteıik, budan buryn BQO-da 300-den astam adamnyń qar qursaýynan qutqarylǵanyn, birqatar joldardyń jabylǵanyn jazǵan bolatynbyz.
