Oralda seksen jańa avtobýs satyp alynbaq
ORAL. QazAqparat - Aldaǵy jyldyń 1 mamyryna deıin Oralda 80 jańa avtobýs satyp alynbaq, dep habarlaıdy «QazAqparat» tilshisi.
Oral qalasy ákimdiginde jolaýshy tasymaldaıtyn kásiporyndar basshylarymen ótken kezdesýde qalalyq jolaýshylar kóligi jáne avtomobıl joldary bólimi basshysynyń orynbasary Aıdar Meńeevtiń málim etkenindeı, bul oblys ortalyǵynda atalmysh qyzmettiń sapasyn jaqsartý maqsatynda qolǵa alynǵan jumystardyń jalǵasy bolmaq. Osy oraıda qala ákimdigi halyqaralyq deńgeıde avtobýs shyǵaratyn «Golden Dragon Bas» AAQ, «Rýsskıe avtobýsy», «ıÝtong», «Daewoo Bus», «Higer Quazar» kompanııalary ókilderimen kezdesýler ótkizdi.
BQO jolaýshylar tasymaldaý qaýymdastyǵynyń tóraǵasy Aleksandr Baklannyń sózine qaraǵanda, kúni búgin avtobýstardy aldaǵy jyldyń birinshi jartyjyldyǵynda nesıege satyp alý úshin ekinshi deńgeıli banktermen kelisim jasalýda. Nesıe memlekettiń qoldaýymen 14 paıyzdyq mólsherlememen rásimdeletin bolady. Jańa avtobýstardyń qaı baǵyttarǵa shyǵatyny ázirge belgisiz. A.Baklannyń ózi basqaratyn «Oraltehservıs» JShS 600 mıllıondaı teńgege 20 avtobýs satyp almaqshy.
Sol sekildi «Aqjol avto» JShS basshysy Eldar Vagapov 200 mıllıondaı teńgege reseılik 10 avtobýsqa qol jetkizýdi kózdep otyr. Sonymen qatar jańa avtobýstar bir tústi bolmaq.
Eske sala keteıik, Oral qalasy avtobýstarynda bıyl elektrondy tólem júıesi engizile bastady.
