Oralda segiz jasar balany óltirgen kúdikti ustaldy
ORAL. 11 naýryz. QazAqparat - 9 naýryz kúni túngi 2-de Oral qalalyq ishki ister basqarmasy Zachagan polıtsııa bólimine Sarytaý shaǵynaýdanyndaǵy jeke úılerdiń birinen 2004 jylǵy balanyń óli denesi tabylǵany jóninde málimet túsken.
Oblystyq ishki ister departamentiniń baspasóz qyzmetinen túsken málimetke qaraǵanda, sot-medıtsınalyq saraptama qorytyndysyna sáıkes ólim tynys alý jolynyń qysylý asfıksııasynan, sondaı-aq, betindegi, moınyndaǵy, qolyndaǵy jáne aıaǵyndaǵy qantalaý men jyrylýdan bolǵan. Jábirlenýshiniń kıimi, qan uıyndysy jáne saýsaǵynyń tyrnaǵy aıǵaq zat retinde alynǵan.
Atalǵan fakti boıynsha QR QK 96-baby 2-bóliminiń «o» tarmaǵyna sáıkes (kisi ólimi) qylmystyq is qozǵaldy.
Sol kúni atalǵan qylmys faktisine qatysy bar degen kúdikpen QR QІJK 132-babyna sáıkes balanyń 28 jasar týysqan aǵasy ustaldy. Olar bir úıde turǵan. Kúdikti azamat úılenbegen, buryn sottalmaǵan, Oral qalasyndaǵy JShS-lardyń birinde dánekerleýshi qyzmetin atqarǵan. Qazirgi ýaqytta atalǵan is boıynsha sot-medıtsınalyq, bıologııalyq saraptama taǵaıyndalyp, sondaı-aq dáleldemelerdi bekitý maqsatynda tergeý amaldary júrgizilýde.
Tergeý amaldary barysynda anyqtalǵanyndaı, ata-anasy balasyn keshkisin aǵasynyń qasyna qaldyryp, ózderi qonaqqa ketken. Іshimdikten mas bolǵan aǵasy inisin óltirgen. Qonaqtan kelip, balasynyń óli denesin kórgen ata-ana sol mezette jedel járdem shaqyrǵan. Іnisin óltirgen jigit osy kezde uıyqtap jatqan bolyp shyqty.
