Oralda saıajaıdaǵy órtten úsh adam qaza tapty
ORAL. QazAqparat – Oral qalasynda saıjaı aýmaǵyndaǵy órtengen úıdiń ornynan er adamnyń, áıel adamnyń jáne bir balanyń denesi tabyldy, dep habarlaıdy QazAqparat QR ІІM Tótenshe jaǵdaılar komıtetine silteme jasap.
«27 qyrkúıek kúni saǵat 02:46-da órtke qarsy qyzmet dıspetcherine Oral qalasynyń «Tolqyn» baý-baqsha seriktestiginiń aýmaǵynan órt shyqqany týraly habar tústi. Alǵashqy órt sóndirý bólimsheleri kelgen sátte saıajaı úıi órtenip jatqan», delingen habarlamada.
35 sharshy metrdi sharpyǵan órt saǵat 06:15-de sóndirildi.
Sol jerden úsh adamnyń denesi tabyldy. Olardyń biri 1961 jylǵy er adam bar, al áıel adam men balanyń kim ekeni anyqtalyp jatyr.
Órtti aýyzdyqtaýǵa jeke quramnan 14 adam jáne Batys Qazaqstan oblysy TJD 4 tehnıkasy jumyldyryldy.
