Oralda saıajaı aýmaǵynda órt shyǵyp, eki úı janyp ketti
ORAL. QazAqparat - Búgin túski saǵat 13.09-da BQO TJ departamentine 2-saıajaı aýmaǵyndaǵy «Ýrojaınyı», «Melıorator», «Kolos» jáne «Armatýrşık» saıajaı qoǵamdarynda qurǵaq shóptiń janyp jatqany jóninde habar túsken.
Departamenttiń baspasóz qyzmetinen túsken málimetke qaraǵanda, «Ýrojaınyıda» butalar men qurǵaq shóp janyp, eki saıajaı úıi órtenip ketken. Qazirgi kezde qalǵan úsheýinde osyndaı janý jalǵasýda. «Órt sóndirý jáne apattyq-qutqarý qyzmetinen» 34 adam men 7 tehnıka jáne departamenttiń jeke quramynan 18 adam órt sóndirýge qatysýda.
Saıajaı turǵyndaryn kóshirý úshin 15 adam men eki tehnıka tartylǵan.
Aıta keteıik, búgin Oralda jel kúshti bolyp tur.
