Oralda saıajaı aýmaǵynda qurǵaq shóp pen butalar órtendi

ORAL. QazAqparat – Oral qalasynda saıajaı aýmaǵynda qurǵaq shóp pen butalar órtendi, dep habarlaıdy QazAqparat tilshisi.

BQO Tótenshe jaǵdaılar departamentiniń baspasóz qyzmetinen málim etkenindeı, órt 9 qyrkúıek kúni 2 saıajaı aýmaǵynda tutandy.

«Saǵat 17.03-te «Mehovşık» saıajaı qoǵamdastyǵynda 0,5 gektar aýmaqta qurǵaq shóp pen butalar otqa orandy. «Tilsiz jaý» №1 jáne №2 órt sóndirý bólimsheleriniń kúshimen (14 adam, 4 tehnıka) saǵat 19.24-te aýyzdyqtaldy. Qazirgi kezde oqıǵanyń jaı-japsary anyqtalyp jatyr», dep habarlady vedomstvodan.

Departamentten túsken málimetke qaraǵanda, ıesi tastap ketken bir ýchaskede qurǵaq shóp janǵanymen, saıajaı úıin jalyn sharpyǵan joq. Birde-bir saıajaı úıi otqa ketken joq.

Eske sala keteıik, budan buryn Oraldaǵy Park otel kesheniniń saýnasy otqa oranǵanyn jazǵan bolatynbyz.