Oralda saýna otqa orandy
ORAL. QazAqparat - Oral qalasynda «Mırlan» ortalyq bazary mańynda saýna otqa orandy, dep habarlaıdy «QazAqparat» tilshisi.
BQO Tótenshe jaǵdaılar departamentinen málim etkendeı, búgin saǵat 11.23-te J.Moldaǵalıev kóshesi 29-meken jaıynda, «Mırlan» ortalyq bazary mańynda ornalasqan bir qabatty «Nırvana» saýnasynyń órtengeni jóninde habar túsken.
Ǵımarattyń tóbesi, ishki ara qabyrǵalary janǵan. Órt 35 sharshy metr aýmaqty sharpydy.
«Tilsiz jaýdy aýyzdyqtaýǵa jeke quramnyń 22 adamy men 4 tehnıka jumyldyryldy. Jalyn 13.05-te sóndirildi. Zardap shekkender joq», - delingen TJD aqparatynda.
Qazirgi kezde órttiń shyǵý sebepteri, keltirilgen shyǵyn men kináliler anyqtalý ústinde.
Foto: drakaronline.com
