Oralda saýda ortalyǵyna «bomba» qoıǵan er adam ustaldy
ORAL. QazAqparat - Oralda er adam «City Center» saýda oıyn-saýyq ortalyǵyna bomba qoıylǵany jóninde jetkizgen, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, 102 telefonyna búgin shamamen saǵat 16.45-te qońyraý shalynǵan.
Jedel izdestirý sharalary barysynda Oral qalasynyń 1989 jylǵy turǵyny anyqtalyp, ustaldy.
Aldyn ala málimet boıynsha ol «bomba» qoıylǵanyn habarlaǵan kezde mas kúıinde bolǵan.
Qazirgi kezde atalǵan derek boıynsha QR QK 273-babyna (terrorızm aktisi týraly kórineý jalǵan habarlaý) sáıkes tergeý amaldary júrgizilýde. Bul bap boıynsha 5 myń AEK-ke deıingi mólsherde aıyppul salý nemese sol kólemde túzetý jumystaryna tartý, sondaı-aq 5 jylǵa deıingi merzimge bas bostandyǵyn shekteý ne sol merzimge bas bostandyǵynan aıyrý jazasy qoldanylady.
