Oralda sarbazdar joǵalǵan balany tapty
ORAL. QazAqparat - Oral qalasynda 5517-áskerı bólim jaýyngerleri joǵalǵan tórt jasar balany tapty, dep habarlaıdy «QazAqparat» tilshisi.
QR Ulttyq ulany «Batys» óńirlik qolbasshylyǵynan túsken málimetke qaraǵanda, quramynda qatardaǵy jaýyngerler Serafım Lasıtsa, Muhamed Maǵjan, Orazbek Jabaı bar áskerı topqa qala turǵyny K.Jumaǵazıeva tórt jasar týysynyń joǵalǵanyn aıtyp, kómek suraıdy. Top basshysy S.Lasıtsa sol boıda kezekshi, aǵa leıtenant Muqat Absatovqa habarlap, ózderi izdeýge shyǵady. 15 mınýttan keıin atalǵan top Qurmanǵazy kóshesi boıynan adasyp qalǵan balany taýyp, ata-anasy men apasynyń qolyna tapsyrady.
Kórsetken qyraǵylyǵy men óz mindetterin abyroımen oryndaǵany úshin atalǵan jaýyngerler 5517-áskerı bólim komandıri tarapynan yntalandyryldy.
Eske sala keteıik, budan buryn Ulttyq ulan jaýyngerleri Jańaózen qalasynda joǵalǵan bes jasar balany tapqan bolatyn.
