Oralda sańyraýqulaq terýge ketken qarııanyń múrdesi bir aıdan keıin tabyldy

ORAL. QazAqparat – Oralda sańyraýqulaq teremin dep joǵalyp ketken 73 jastaǵy qarııanyń múrdesi bir aıdan keıin tabyldy, dep habarlaıdy QazAqparat tilshisi.

ıÝrıı Braslevıch 5 qarasha kúni sańyraýqulaq terýge shyǵyp ketip, sodan úıine oralmaǵan bolatyn.

Marqumnyń nemeresi Irına Jıdenkonyń aıtýynsha, búgin atasynyń denesin ormanda moıyl jınap júrgen er adam tapqan.

«Múrdeni ıtter búldirip tastaǵan. Qashan jer qoınyna beriletinin ázir aıta almaımyz. Jabyq tabytpen jerlenetin bolady», dedi QazAqparat tilshisine I.Jıdenko.

Eske sala keteıik, budan buryn Oralda sańyraýqulaq terýge ketken 73 jastaǵy qarııanyń úsh kúnnen beri tabylmaı jatqanyn jazǵan bolatynbyz.

Qarııany izdeýge qutqarýshylar, eriktiler, Ulttyq ulan jaýyngerleri jumyldyryldy. Arnaıy tikushaq ta shyǵaryldy.