Oralda sanıtarlyq talaptardy buzǵan taǵy 10 nysan jabyldy
Oral qalasy taýarlar men qyzmetterdiń sapasy men qaýipsizdigin baqylaý basqarmasy on nysannyń qyzmetin toqtatý jóninde usynys berdi.
Munyń deni – dúkender. Atap aıtqanda, M.Yqsanov kóshesinde «Frýktovyı sad», M.Mámetova kóshesinde «Chaplin», «Alramın» jaryq shamdary dúkeni, N.Nazarbaev dańǵylynda «Rahat» ashanasy, Ábilqaıyr han dańǵylynda «Gyros» tez tamaqtaný kafesi, «Astana» shaǵynaýdanynda Barbershop «Blade», ıÝ.Gagarın kóshesinde «Kerýen», «Mır dvereı», D.Nurpeıisova kóshesinde «Mır obývı» dúkenderi ýaqytsha jabyldy.
Basqarma basshysy Mádenıet Tanaýovtyń aıtýynsha, arnaıy monıtorıng top músheleri kún saıyn tekserý jumystaryn júrgizýde. Sonyń nátıjesinde atalǵan nysandarda dezınfektsııalyq zattardyń, antıseptık jetispeıtini, qyzmetkerlerdiń maska, qolǵap kımeıtini, basqa da sanıtarlyq talaptardyń saqtalmaǵany anyqtaldy.
«Mamandar teksergennen keıin buzýshylyqtardy joıý jóninde biz nysandarǵa usynys beremiz. Nysan ıeleri óz erikterimen saýda jáne qyzmet oryndaryn jabady. Sosyn kerekti qural-jabdyqtardy alyp, ázir bolǵan soń bizdiń mamandar baryp, tekserip, daıyndyq aktisin jasaıdy. Sonyń negizinde qaıta ashylady. Kúni búginge deıin barlyǵy 21 nysan jabylsa, buzýshylyqtardy retke keltirgen 11-i qaıtadan óz qyzmetterine kirisip jatyr», dedi QazAqparat tilshisine M.Tanaýov.
Eske sala keteıik, budan buryn Oralda sanıtarlyq talaptardy saqtamaǵan 11 nysannyń qyzmeti toqtatylǵanyn, demalys kúnderi UBT tapsyratyn túlekterdi arnaıy kólik tasymaldaıtynyn jazǵan bolatynbyz.