Oralda sanıtarlyq kólik «Opelge» soǵyldy: 4 adam jaraqat aldy
ORAL. QazAqparat – Oralda sanıtarlyq kólik pen «Opel» soqtyǵysyp, tórt adam jaraqat aldy, dep habarlaıdy QazAqparat tilshisi.
Kýágerlerdiń sózine qaraǵanda, oqıǵa 12 qarasha kúni keshkisin Qurmanǵazy men A.Karev kósheleriniń qıylysynda bolǵan. Sanıtarlyq «ÝAZ» mınıven men «Opel» avtokólikteri bir-birine soǵylyp, «ÝAZ» ekpinimen toqtamastan sol jerdegi úıge baryp tirelgen.
BQO Densaýlyq saqtaý basqarmasynyń baspasóz qyzmetinen túsken málimetke qaraǵanda, «ÝAZ» qalaǵa kelgen Qaztalov aýdany Jalpaqtal aýylynyń sanıtarlyq kóligi eken.
Qazirgi málimet boıynsha jol apaty saldarynan tórt adam oblystyq kópbeıindi aýrýhanaǵa jetkizildi. 21 jasar meıirbıkeniń aıaǵy kógergen. 42 jastaǵy júrgizýshi jabyq bas jaraqatyn alǵan. 33 jastaǵy taǵy bir meıirbıkeniń moıny kógergen. 40 jastaǵy er adam basynan jaraqat alǵan.
Qazirgi kezde oqıǵanyń jaı-japsary anyqtalý ústinde.
Eske sala keteıik, buǵan deıin Oralda jedel járdem kóligi jol apatyna ushyrap, tórt adamnyń zardap shekken bolatyn.
Foto/mgorod.kz
