Oralda samboshy Asqar Shaıhıevti eske alýǵa arnalǵan jarys ótti
ORAL. QazAqparat - Oralda sambodan álem chempıony, álem kýbogynyń ıegeri Asqar Shaıhıevti eske alýǵa arnalǵan halyqaralyq jarys márege jetti, dep habarlaıdy QazAqparat tilshisi.
Dástúrli týrnırge Armenııa, Grýzııa, Ózbekstan, Reseı jáne elimizdiń Nur-Sultan qalasy men Almaty, Qaraǵandy, Túrkistan, Aqtóbe, Mańǵystaý, Atyraý, Batys Qazaqstan oblystarynan 180-nen astam sportshy qatysty.
Bıylǵy dodanyń ereksheligi, bas júldege tigilgen avtokóliktiń ıesi jeńimpazdar arasynda lotereıa oınatý arqyly anyqtaldy.
Avtokólikti 52 kg salmaqta kúresken batysqazaqstandyq Baqyt Erasyl utyp aldy.
Basqa salmaq dárejeleri boıynsha mynalar chempıon atandy: Bolatbek Raıymqulov (57 kg), Qazbek Supyǵalıev (62 kg ), Serikbaı Neǵmet (68 kg), Nurbol Serikov (74 kg, bári de BQO-dan), Beka Berýlava (82 kg, Grýzııa), Orynbasar Jurmaǵambetov (90 kg, BQO), Danııl Borısov (100 kg, Reseı), Temirlan Kólbaı (+100 kg, BQO).
Áskerı sambodan mynalar birinshi orynǵa ıe boldy: Shyńǵys Qajıaqbarov (62 kg, BQO), Denıs Lıýbımov (74 kg, Reseı).
Aıta keteıik, týrnır halyqaralyq deńgeıde osymen tórtinshi ret uıymdastyryldy.
