Oralda sambodan respýblıkalyq týrnır márege jetti
ORAL. QazAqparat - Búgin Oralda sambodan álem chempıonatynyń qola júldegeri Meıramgúl Rahmetovany eske alýǵa arnalǵan 2004-2005 jylǵy jasóspirimder men qyzdar arasynda ІV respýblıkalyq týrnır márege jetti, dep habarlaıdy QazAqparat tilshisi.
Dástúrli jarysqa Aqtóbe, Atyraý, Batys Qazaqstan oblystarymen qatar Reseıdiń Sol-Iletsk qalasynan (Orynbor) barlyǵy 200 sportshy qatysyp, baq synady.
Týrnır qorytyndysynda óz salmaq dárejeleri boıynsha qyzdar arasynda Almıra Sısenbaeva (34 kg, Aqjaıyq aýdany), Nurbaný Nıetollaeva (37 kg, Aqtóbe oblysy), Ámına Erbolova (40 kg, Syrym aýdany), Enelıa Bataeva (43 kg, Tasqala aýdany), Shahnoza Kamalova (47 kg jáne 51 kg, Sol-Iletsk), Aıda Bekbosynova (55 kg, Aqtóbe), Gúljanat Bolatova (59 kg, Atyraý), Aıdana Ahmet (65 kg, Aqjaıyq), Evılına Baqtygereeva (+65 kg, Sol-Iletsk) jeńimpaz atandy.
Sol sekildi uldardan Nurdáýlet Qulov (35 kkg, Shyńǵyrlaý), Talǵat Keńesov (38 kg, Syrym), Erjan Seıtqalıev (42 kg, Aqjaıyq), Bıbarys Ádiljanov (46 kg, Atyraý), Daryn Ideıat (50 kg, Oral, jekpe-jek sport mektebi), Dıas Telmanov (54 kg, Syrym), Bekzat Bekmuhambetov (59 kg, Oral, №4 BJSM), Sahıb Cherkezlı (65 kg, Oral, sportqa daryndy balalarǵa arnalǵan mamandandyrylǵan mektep-ınternaty), Aslanbek Anııazbekov (71 kg, Aqjaıyq) jáne Nurasyl Rysbaev (+71, Atyraý) chempıondyq tuǵyrǵa kóterildi.
Jeńimpaz-júldegerler medaldarmen, dıplomdarmen marapattaldy.
Aıta keteıik, 1986 jyly Aqsaı qalasynda dúnıege kelgen Meıramgúl Rahmetova 2002 jyldan bastap Oraldaǵy №3 balalar-jasóspirimder sport mektebinde áýeli dzıýdomen aınalysty. Keıin bapkeri Tımýr Eseevtiń bastaýymen samboǵa aýysyp, respýblıkalyq, halyqaralyq jarystarda top jardy. QR sport sheberi atanyp, álem chempıonatynyń qola júldesine ıe boldy. Qarjyger-ekonomıst mamandyǵyn meńgerip, olımpıadalyq rezervti daıarlaý ortalyǵynda eńbek jolyn esepshi bolyp bastaǵan Meıramgúl Qanatqyzy nebári 25 jasynda ómirden ozdy.
