Oralda salynyp jatqan qurylys nysanynan er adamnyń múrdesi tabyldy

ORAL. QazAqparat – Oralda salynyp jatqan qurylys nysanynan er adamnyń múrdesi tabyldy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen túsken málimetke qaraǵanda, oqıǵa 19 maýsym kúni keshkisin Zachagan kentinde boldy.

«Saǵat 21.41-de E.Brýsılovskıı kóshesi 42-mekenjaıdaǵy qurylys ornynan 1972 jylǵy er adamnyń zorlyqpen óltirilgen denesi tabyldy. Múrde sot-medıtsınalyq saraptamaǵa jiberildi. Qazirgi kezde osy derek boıynsha QR QK 99-babyna (adam óltirý) sáıkes sotqa deıingi tergeý amaldary júrgizilýde. Oqıǵanyń mán-jaıy anyqtalyp jatyr», dep habarlady vedomstvodan.

Eske sala keteıik, budan buryn Oralda jol apatynan 34 jastaǵy mototsıklshiniń kóz jumǵanyn jazǵan bolatynbyz.