Oralda sadaq atýdan Qazaqstan chempıonaty bastaldy
ASTANA. KAZINFORM – Oralda sadaq atýdan Qazaqstan Respýblıkasynyń chempıonaty ótip jatyr.
Jarysqa elimizdiń túrli óńirlerinen 250-den astam sportshy, onyń ishinde Qazaqstan ulttyq quramasynyń músheleri qatysyp jatyr.
Chempıonattyń júldeleri eresekter, jastar jáne jasóspirimder arasynda sarapqa salynady. Eń úzdik mergender halyqaralyq jarystarda el namysyn qorǵaýǵa múmkindik alady.
QR UOK málimetinshe, respýblıkalyq jarys «Jastar» stadıonynda ótip jatyr jáne 1 tamyzda aıaqtalady.
Aıta keteıik, «Bolashaq oıyndary 2026» halyqaralyq týrnırine álemniń jetekshi sport jáne kıbersport klýbtary qatysady.
Bul týraly Ortalyq kommýnıkatsııalar qyzmetinde ótken baspasóz máslıhatynda QR Týrızm jáne sport vıtse-mınıstri Serik Jarasbaev málim etti.
– Týrnırge Team Spirit, T1, Team Falcons, Xtreme Gaming, Vici Gaming, Boca Juniors, Valencia Basket, LGD.Pinghu, Twisted Minds, Bigetron by Vitality jáne álemdik sport pen kıbersport sahnasynda keńinen tanylǵan ózge de komandalar qatysady. Biz úshin Qazaqstan ókilderiniń óner kórsetýi de erekshe mańyzdy. Elimizdiń namysyn 11 komanda men jekelegen sportshylar qorǵaıdy, – dedi vıtse-mınıstr.
