Oralda sábıin zırat mańyna tastap ketken «kókek» ana izdestirilýde
ORAL. QazAqparat - Oralda jańa týǵan sábıin ólimge qıǵan «kókek» ana izdestirilýde, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, 5 naýryz kúni saǵat 18.35 shamasynda Derkól aýylynda qalalyq zırat mańynda jamylǵyǵa oralǵan jańa týǵan náresteniń denesi tabylǵan bolatyn.
Atalǵan derek boıynda ishki ister organdary sábıdiń anasyn anyqtaý baǵytynda jedel izdestirý jumystaryn júrgizýde.
QR QK 100-babyna (jańa týǵan sábıdi anasynyń óltirýi) sáıkes tergeý amaldary júrgizilýde.
Eske sala keteıik, Oraldaǵy zırat mańynan náresteniń denesi tabylǵany jóninde budan buryn jazylǵan bolatyn.
