Oralda reıd kezinde aıyppulyn tólemeı júrgen 24 kólik ustaldy
ORAL. QazAqparat - Oral qalasynda BQO ІІD ákimshilik polıtsııa basqarmasy qyzmetkerleri jergilikti polıtsııa qyzmetimen birlese otyryp, jalǵan memlekettik nómirler taǵyp, áınekter kúńgirttelgen, sondaı-aq aıyppuly bar júrgizýshilerdi anyqtaý maqsatynda arnaıy reıd júrgizdi.
BQO Іshki ister departamentiniń baspasóz qyzmetinen túsken málimetke qaraǵanda, shara barysynda ıeleri 290 myń 327 teńge aıyppul «arqalaǵan» 24 avtokólik ustaldy. 2 avtokólik QR Ákimshilik quqyqbuzýshylyq kodeksiniń 797-babyna sáıkes aıyp turaǵyna qoıylsa, qalǵandary aıyppulyn sol jerde tóledi. Sonymen qatar «tutqyndalǵan» 1 avtokólik aıyp turaǵyna jetkizildi. Ákimshilik quqyqbuzýshylyq kodeksiniń 612-babyna sáıkes kólik júrgizý quqyǵynan aıyrylsa da, ıeleri aıdap júrgen 3 kólik sondaı kúı keshti. 590-bapqa sáıkes kúńgirttelgen áınekteri bar 6 kólik te alysqa ketken joq.
Osyndaı reıdtik is-sharalar oblystyń barlyq aýdandarynda ótkizilmek.
Eske sala keteıik, bıylǵy segiz aıda 2316 avtokólik aıyp turaǵyna qoıylyp, sonyń nátıjesinde 25 mln. astam teńge aıyppul ótelgen bolatyn.
