Oralda reseılik delegatsııanyń qatysýymen Jaıyq ózeniniń jaı-kúıi talqylandy
ORAL. QazAqparat - Búgin Oralda reseılik delegatsııanyń qatysýymen Jaıyq ózeniniń ekologııalyq jaı-kúıi jáne onyń keleshegi máselelerin talqylaýǵa arnalǵan keńeıtilgen otyrys boldy, dep habarlaıdy «QazAqparat» tilshisi.
Jıynda Batys Qazaqstan oblysynyń ákimi Altaı Kólginovtiń atap ótkenindeı, ótken jyldyń qazanynda Qazaqstan men Reseıdiń HІІІ aımaqaralyq yntymaqtastyǵy forýmynda úkimetaralyq deńgeıde transshekaralyq Jaıyq ózeni basseıniniń ekojúıesin saqtaý jónindegi kelisimge qol qoıylǵany málim. Bul qujat kóp jylǵy tyǵyz baılanystyń jemisi bolyp tabylady. Osy oraıda tolyq túsinistik tanytyp kele jatqan Orynbor oblysynyń gýbernatory ıÝrıı Berg pen RF Federaldyq jınalysy Memlekettik dýmasynyń depýtaty, TMD elderi isteri, eýrazııalyq yqpaldastyq jáne otandastarmen baılanystar jónindegi komıtet múshesi ıÝrıı Mışerıakov bastaǵan kórshiles óńir delegatsııasyna alǵys aıtqymyz keledi. Sondaı-aq QR Parlamenti Májilisi úsh birdeı shaqyrylymynyń depýtaty, qazirgi kezde QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraǵasynyń orynbasary qyzmetin atqaratyn Elena Tarasenko jıyrma jyl boıy jetekshilik etip kele jatqan Jaıyq ózeni boıymen qazaqstandyq-reseılik ekspedıtsııasynyń qosqan úlesi mol. Búgingi otyrys toǵyz halyqaralyq qujatqa negizdelgen atalmysh kelisimdi júzege asyrý tetikterin pysyqtaý men jetildirýge arnalyp otyr.
Jıynda aıtylǵanyndaı, sońǵy kezde Jaıyq ózeninde sý tapshylyǵy aıqyn sezilýde. Oǵan qosa ózen lastaný ústinde. Sonyń ishinde aýyr metall men hromnyń qalyptan artyq jınaqtalýy baıqalýda. Sondyqtan Jaıyq ózenin burynǵy qalpyna keltirý - eki el úshin de ortaq másele. Qos memlekettiń úkimeti deńgeıindegi saıası sheshimniń qabyldanýy úshin jıyrma jyldaı ýaqyt ketse, endi naqty is kerek. Ózenniń arnasyn tazartyp, túbin tereńdetýmen is bitpeıdi. Máselege keshendi túrde kelý kerek. Osy oraıda ózenge erekshe qorǵalatyn tabıǵı aýmaq mártebesin berý, túbegeıli ǵylymı zertteýler júrgizý, ózen jaǵalaýyn tazartý isine «Jasyl el» qoǵamdyq qozǵalysyn qatystyrý týraly usynystar aıtyldy. Sondaı-aq Jaıyq kúnin belgileý týraly bastama da qoldaý tapty. Bul rette Orynbor oblysynyń gýbernatory ıÝrıı Berg ony tikeleı Jaıyq ózeniniń jaǵalaýynda ótkizýdi usyndy.
