Oralda reseılik azamat ózi satqan avtokólikti qaıta aıdap ketpek bolǵan
ORAL. QazAqparat - Oralda avtokólikti aıdap ketpek bolǵan reseılik azamat qolǵa tústi, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa keshe saǵat 14.00-de Zachagan kentinde M.Móńkeuly kóshesi, 85/2 úıdiń janynda bolǵan. Belgisiz bireý oraldyq 1992 jylǵy turǵynǵa tıesili, 2018 jyly shyǵarylǵan, aq tústi «Kıa-Rıo» avtokóligin (memlekettik nómiri H 087 OV 56-rýs) aıdap ketken.
Jedel izdestirý sharalary barysynda 20 mınýttan keıin Oral qalasy polıtsııa basqarmasy patrýldik polıtsııa batalonynyń qyzmetkerleri atalǵan avtokólikti Aıtalıev kóshesi boıynan ustady. Onyń rýlinde esh jerde jumys jasamaıtyn, kórshi elde turatyn 1977 jylǵy reseılik azamat bolǵan. Avtokólik ıesine qaıtaryldy.
Atalǵan oqıǵa boıynsha QR QK 200-babyna sáıkes qylmystyq is qozǵalyp, tergeý amaldary júrgizilýde.
Bul bap boıynsha aıypty dep tanylǵan kúdikti 1 myń AEK-ke deıingi kólemde aıyppul salynýy ne sol mólsherde túzeý nemese 600 saǵatqa deıin qoǵamdyq jumystarǵa tartylýy ne 2 jylǵa deıin bas bostandyǵynan shekteýge ne sol merzimge bas bostandyǵynan aıyrýǵa jazalanýy múmkin.
Bir qyzyǵy, reseılik azamat sodan eki kún buryn osy avtokóligin satqan. Sosyn qosalqy kiltimen kelip, qaıta aıdap ketpek bolǵan.
