Oralda Reseıdiń eki azamatyn óltirgen kúdiktiler qamaýǵa alyndy

BQO ishki ister departamentiniń baspasóz qyzmetinen 23 aqpan kúni túsken málimetke qaraǵanda, qaıǵyly oqıǵa bylaısha órbigen. 17 aqpan kúni Oral qalasynyń turǵyny Reseı Federatsııasynyń Rıazan qalasynan kelgen týysqandarynyń is-túzsiz joǵalǵandyǵy jóninde Oral qalasynyń ishki ister basqarmasyna qarasty Abaı polıtsııa bólimine shaǵymdanǵan. BQO ІІD tergeý basqarmasy asa mańyzdy ister jónindegi aǵa tergeýshisi, polıtsııa podpolkovnıgi Ótesh Ábýǵalıevtiń málimdeýinshe, analy-balaly rıazandyqtar Oral qalasyna muraǵa qaldyrylǵan páterdi satý úshin kelgen eken. Sol qaıǵyly oqıǵa bolatyn kúni olar telefon arqyly sóılesip júrgen satyp alýshylarmen kezdesýge ketipti. Biraq sol ketkennen qaıtyp oralmaǵan, izim-qaıym habarsyz ketken. Kúte-kúte tózimi taýsylǵan týysy bir jamandyqtyń bolǵanyn ishi sezgendeı, ertesine quqyq qorǵaý organyna habarlasqan.

18 aqpan kúni polıtsııa qyzmetkerlerimen atalǵan fakti boıyna QR QK 96-baby 2-bólimi «a» tarmaǵy boıynsha qylmystyq is qozǵaldy. Kelesi kúni jedel tergeý is-sharalary barysynda qylmys jasady degen kúdikpen Oral qalasynyń tórt turǵyny qolǵa tústi. Atalǵan kúdiktilerdiń Reseı azamattaryn páterdi ıelený úshin óltirgeni belgili boldy. Olar páter satylatyndyǵy jóninde jarnamany gazetten kórip, satyp alýshylar keıpinde páter ıesine habarlasqan. ıAǵnı, ózderiniń jymysqy áreketin búge-shigesine deıin aldyn ala josparlaǵanǵa uqsaıdy. Ýaǵdalasqan ýaqytynda páter ıelerimen kezdesken boıda qarýmen qorqytyp, kólikpen qaladaǵy notarıýstardyń birine alyp kelgen. Sol jerde anasyn kepildikke alǵan. Al muragerlikke qaldyrylǵan páter ıesi bolyp tabylatyn balasyn notarıýske kirgizip, satyp alý-satý týraly kelisimshartqa qol qoıdyrǵan. Odan ári jábirlenýshilerdi Oraldaǵy temir jol mańyndaǵy adam kóp júrmeıtin jerge aparyp, qylǵyndyryp óltirgen. Adam qanyn moınyna júkteýden taıynbaǵan «tórteý» múrdelerdi Zelenov aýdanyna qarasty Şapov aýylynyń mańyndaǵy orman alqabyna aparyp, qalyń qarǵa jasyrǵan. Jedel is-sharalar barysynda tártip saqshylary kúdiktilerdi alaıaqtyq jolmen qol jetkizgen páter ornalasqan turǵyn úıdiń qasynan qolǵa túsirgen. Uıymdasqan toptyń barlyq músheleri de Oral qalasyndaǵy kafelerdiń birinde jumys jasaıtyn kórinedi. «Tórteýdiń» úlkeni 1985 jyly týylǵan bolsa, eń jasy 1992 jyly dúnıege kelgen.

Kúdiktiler ustalyp, qamaýǵa alyndy. Qylmystyq is boıynsha sottyq saraptama taǵaıyndaldy. Qazir tergeý amaldary júrgizilýde.