Oralda psıhotroptyq dári-dármekpen ustalǵan áıel tergelýde
ORAL. QazAqparat - Oralda psıhtroptyq dári-dármekpen ustalǵan áıelge qatysty tergeý amaldary júrgizilýde, dep habarlaıdy QazAqparat tilshisi.
BQO ishki ister departamentiniń baspasóz qyzmetinen túsken málimetke qaraǵanda, M. degen kúdiktini esirtki bıznesimen kúres basqarmasynyń qyzmetkerleri qolǵa túsirgen.
Tekserý kezinde onyń avtokóliginen 67 quty (flakon) men 740 tabletka kóleminde dári-dármek tabylǵan.
Saraptama qorytyndysyna sáıkes bular QR zańdylyǵymen aınalymy shektelgen psıhotroptyq dári-dármek bolyp shyqty.
Atalǵan derek boıynsha QR QK 297-baby 1-bóligine sáıkes (esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) sotqa deıingi tergeý amaldary júrgizilýde.
Aıta keteıik, bul bap boıynsha áıeldiń múlki tárkilenip, bes jyldan on jylǵa deıingi merzimge bas bostandyǵynan aıyrylýy múmkin.
Foto: flud.perm.ru
