Oralda «Promenad» saýda úıi órtendi
ORAL. QazAqparat - Oralda búgin tańda «Promenad» saýda úıi órtendi, dep habarlaıdy QazAqparat tilshisi.
BQO TJ departamentiniń baspasóz qyzmetinen alynǵan málimetke qaraǵanda, Syrym Datuly kóshesi 21-mekenjaıynda ornalasqan úsh qabatty «Promenadtaǵy» órt jóninde saǵat 05.50-de habar túsken.
Ǵımarattyń 2-qabatyndaǵy «Erkemaı» dúkeninde oıynshyqtar men jaqtaýlar janǵan. Órt aýmaǵy 80 sharshy metrdi qamtydy.
Aldyn ala málimetke qaraǵanda, ot órt sóndirý avtomatty qondyrǵysyn montajdaý kezinde pisirý jumystaryn júrgizgende órt qaýipsizdigi erejesin saqtamaýdan shyqqan.
Oqıǵa ornynda 14 tehnıka bolyp, jeke quramnan 34 adam jumys jasady.
«Tilsiz jaý» 06.28-de oqshaýlanyp, 07.20-da aýyzdyqtaldy.
Zardap shekkender joq.
Qazirgi kezde órttiń shyǵý sebebi, kináli adamdar men keltirilgen shyǵyn anyqtalý ústinde.
