Oralda prokýratýranyń aralasýymen 3,5 mln-nan astam teńge memleket paıdasyna óndirildi

ORAL. QazAqparat - Prokýrorlyq narazylyq nátıjesinde birinshi satydaǵy sot qaýlysy ózgertilip, memleket paıdasyna 3,5 mıllıonnan astam teńge óndirildi, dep habarlaıdy «QazAqparat» HAA tilshisi.

BQO prokýratýrasynyń baspasóz qyzmetinen túsken málimetke qaraǵanda, Oral qalalyq mamandandyrylǵan ákimshilik sotynyń 2016 jylǵy 30 jeltoqsandaǵy qaýlysymen «Astra Treıd Kompanı» JShS 2015 jyldyń 17 qańtarynda jáne sol jyldyń 8 qarashasynda qubyr ónimderin jetkizý boıynsha tenderlerdi ótkizý kezinde «Qarashyǵanaq Petrolıým Opereıtıng b.v.» kompanııasymen básekelestikke qarsy kelisim jasaý deregi boıynsha QR Ákimshilik quqyqbuzýshylyq kodeksiniń 159-baby 1-bóligine sáıkes kináli dep tanyldy. Sot «Astra Treıd Kompanı» JShS-ǵa 4 923,602 myń teńge monopolıstik túsimdi tárkileý arqyly kiristiń 3 paıyzy kóleminde 611,296 myń teńge aıyppul saldy. Oral qalasy prokýratýrasy eki sharttyń jalpy qunynan emes, tek bir sharttyń qunynan eseptep salynǵan aıyppul kólemimen kelispeı, BQO sotyna apellıatsııalyq narazylyq keltirdi.

BQO sotynyń apellıatsııalyq alqasy prokýrordyń narazylyǵyn qanaǵattandyryp, birinshi satydaǵy sot qaýlysymen salynǵan aıyppul kólemi 611,296 myń teńgeden 4 174,886 teńgege deıin ulǵaıtyldy. Sóıtip 3 563,590 myń teńge kóleminde memleket múddesi qorǵaldy.