Oralda prokýratýra qyzmetkeri mas kúıinde jol belgisin qaǵyp ketti

ORAL. QazAqparat - Oral qalasynda 7 shilde kúni shamamen saǵat 05.18-da QR Bas prokýratýrasy Quqyqtyq statıstıka jáne arnaıy esepke alý jónindegi komıteti BQO boıynsha basqarmasynyń qyzmetkeri Ǵalymjan Myńjasarov mas kúıinde «Toyota Camry» avtokóliginiń róline ıe bola almaı, Sh.Aıtalıev kóshesi boıynda Oral qalalyq ishki ister basqarmasy ǵımaratyna qarsy bettegi jaıaý júrginshi ótkeliniń jol belgisin qaǵyp ketken, dep habarlaıdy «QazAqparat» tilshisi.

Basqarma bastyǵy, polıtsııa podpolkovnıgi Mırlan Áıkenovtiń aıtýynsha, jol-kólik oqıǵasy saldarynan avtokólik pen «Jaıyq jaryǵy» JShS-yna zalal keltirilgen. Atalmysh avtokólik arnaıy turaqqa qoıyldy.

Jol-kólik oqıǵasy boıynsha materıal jınaqtaý kezinde prokýratýra qyzmetkeri tarapynan qarsylyq bolǵan joq.

Atalmysh is 11 shilde kúni Oral qalasy mamandandyrylǵan ákimshilik sotynda qaralyp, Ǵ.Myńjasarov QR Ákimshilik quqyqbuzýshylyq kodeksi 608-baby 3-bóligine sáıkes 5 jylǵa jáne 611-baby 2-bóligine sáıkes (oqıǵa ornynan boı tasalaý) 1 jylǵa, barlyǵy 6 jylǵa kólik quralyn basqarý quqyǵynan aıyryldy.

«Jaıyq jaryǵy» JShS-yna keltirilgen zalal óteldi.

Aıta keteıik, oblystyq quqyqtyq statıstıka jáne arnaıy esepke alý jónindegi basqarmadan túsken málimetke qaraǵanda, Ǵ.Myńjasarov sol kúni-aq qyzmetinen bosatylǵan.