Oralda prokýratýra 25 azamattyń turǵyn úı máselesin sheshti
ASTANA. KAZINFORM — Renovatsııa jobasy kezinde qurylys kompanııasynyń mindettemelerin oryndamaýy saldarynan baspanasyz qalǵan bir top azamat 2021 jyldan beri qıyn jaǵdaıda ómir súrip kelgen. Qala prokýratýrasynyń aralasýynan keıin olardyń quqyǵy qalpyna keltirilip, 25 turǵynǵa turǵyn úı berilip, áleýmettik qoldaý kórsetildi.
— Azamattardyń ýájderi men qujattardy zerdelegen qala prokýratýrasy ákimdikke usyný engizip, onyń nátıjesinde 25 azamat turǵyn úı qorynan baspanamen jáne qajetti áleýmettik qoldaýmen qamtamasyz etildi, — dep habarlady prokýratýradan.
Azamattardy jeke turǵyn úımen qamtamasyz etý máselesi prokýratýranyń kúndelikti baqylaýynda.
Aıta keteıik, buǵan deıin Ulytaý oblysynda prokýrorlardyń aralasýynan keıin ınvestorǵa 55 mln teńge qaıtarylǵanyn jazdyq.
