Oralda prezıdenttik kópsaıystan respýblıkalyq spartakıada márege jetti
ORAL. QazAqparat - P.Atoıan atyndaǵy stadıonda kúshtik qurylymdar qyzmetkerleri arasynda prezıdenttik kópsaıystan VІІІ vedomstvoaralyq respýblıkalyq spartakıada márege jetti, dep habarlaıdy QazAqparat tilshisi.
Aıtýly dodaǵa QR Іshki ister, Qorǵanys mınıstrlikteri, QR ІІM TJ komıteti, QR UQK Shekara qyzmeti, QR Ulttyq ulany, sondaı-aq oblystyq polıtsııa departamentteriniń 16 komandasy qatysty.
Týrnırdiń jabylý rásiminde BQO polıtsııa departamenti bastyǵynyń orynbasary, polıtsııa polkovnıgi Baǵdar Ábýovtiń atap ótkenindeı, quqyq qorǵaý organdary qyzmetkerleriniń sporttyq daıyndyǵyn arttyrý men kásibı deńgeıin kóterý baǵytynda prezıdenttik kópsaıystyń mańyzy zor.
«Dınamo» dene shynyqtyrý sport qoǵamy qoǵamdyq birlestigi ortalyq keńesi sport basqarmasynyń bastyǵy, Qazaqstannyń eńbek sińirgen jattyqtyrýshysy Nıkolaı Knıazev bul jarysqa qatysýshylardyń kóp bolǵandyǵyn, solardyń ishinde eń úzdikteri daralanyp shyqqandyǵyn jetkizdi.
QR Ulttyq ulany «Batys» óńirlik qolbasshylyǵynyń baspasóz qyzmetinen túsken málimetke qaraǵanda, prezıdenttik kópsaıysqa qatysýshylar úsh kún boıy áskerı qarýdan nysana kózdeý, erkin ádispen júzý, turǵan ornynan uzyndyqqa sekirý, granata laqtyrý, qysqa jáne uzaq qashyqtyqtarǵa júgirýden synǵa tústi.
«Dınamo» sport qoǵamynyń spartakıadasy qorytyndysynda QR ІІM jeńimpaz atandy. QR Ulttyq ulany men QR ІІM mamandandyrylǵan kúzet qyzmeti basqarmasy ekinshi-úshinshi oryndardy bólisti.
Jekeleı synda mynalar júldeli oryndarǵa ıe boldy:
30 jasqa deıingiler:
1.Dmıtrıı Shvarts (QR ІІM mamandandyrylǵan kúzet qyzmeti basqarmasy)
2.Erasyl Tursynbekov (QR ІІM)
3.Erasyl Selbaev (QR Ulttyq ulany)
35 jasqa deıingiler:
1.Rýslan Esqalıev (QR Ulttyq ulany)
2.Samat Jantasov (QR ІІM)
3.Baqtybek Abdýllaev (QR ІІM mamandandyrylǵan kúzet qyzmeti basqarmasy)
40 jasqa deıingiler:
1.Sergeı Shýmkov (QR ІІM)
2.Aqylbek Ábdirahman (QR Ulttyq ulany)
3.Alekseı Levın (QR ІІM mamandandyrylǵan kúzet qyzmeti basqarmasy)
45 jasqa deıingiler:
1.Temirhan Kemalov (QR ІІM mamandandyrylǵan kúzet qyzmeti basqarmasy)
2.Nurjan Qoblanov (QR Ulttyq ulany)
3.Aıdos Sádýaqasov (QR ІІM).
Polıtsııa departamentteri arasynda BQO polıtsııa departamenti jeńimpaz atansa, qaraǵandylyqtar ekinshi, soltústikqazaqstandyqtar úshinshi orynǵa kóterildi.
Jeńimpazdar men júldegerler gramota, kýboktarmen marapattaldy.
