Oralda Prezıdent kúnine oraı ozat stýdentter marapattaldy (FOTO)

ORAL. QazAqparat - Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń akt zalynda QR Tuńǵysh Prezıdenti kúnine oraı dəstúrli "Úzdikter men belsendiler sleti - 2015" sharasy márege jetti.

Merekelik jıynda elimiz ben óńirdiń qoǵamdyq-saıası jáne mádenı ómirine belsene aralasyp, úzdik deńgeıimen erekshelengen 400-ge jýyq stýdent marapattaldy. Olardy ýnıversıtet rektory Nurlan Serǵalıev quttyqtap, el keleshegi bilimdi de sanaly jastarǵa baılanysty ekendigin atap ótti. Sondyqtan jas azamattardyń qoǵamnyń saıası jáne áleýmettik-ekonomıkalyq ómirinde barynsha belsendi bolýy asa mańyzdy. Elbasynyń jańa Joldaýynda 2016 jyldyń 1 qańtarynan bastap stýdentter shákirtaqysy 25 paıyzǵa ósetini týraly aıtyldy. Ózgeristerden qoryqpaı, ómirsheń, serpindi jobalardy júzege asyrý jolynda tyń ıdeıasy mol, ómirge jańasha kózqaraspen qaraıtyn jastarymyz úshin bul - úlken qoldaý.

Sóz alǵan jastyń biri, qurylys mamandyǵy boıynsha 4-kýrs stýdenti Oljas Súleımenov óziniń dzıýdodan sport sheberi, QR jastar quramasynyń múshesi ekendigin jetkizip, qurbylaryn ýaqytty qur jibermeı, dene shynyqtyrýmen de udaıy aınalysýǵa shaqyrdy. «Bolashaq biz sekildi belsendi, bilimdi, talantty jastardyń qolynda!» dedi ol.

Shara sońy merekelik kontsertke ulasty.