Oralda praımerızdiń ekinshi kezeńine Nur Otan partııasynan úmitkerler irikteldi
Praımerızdiń ekinshi kezeńine depýtattardy irikteý maqsatynda «Nur Otan» partııasy Oral qalalyq fılıalynyń XXVIII konferentsııasy ótti.
Qalalyq partııa fılıalynyń tóraǵasy Abat Shynybekov konferentsııanyń kún tártibimen tanystyryp, praımerızdiń alǵashqy kezeńinde turǵyndardan túsken usynys-ótinishter negizinde jasalǵan Oral qalalyq fılalynyń saılaýaldy baǵdarlamasyn bekitti. Sondaı-aq, konferentsııa barysynda praımerız debattary arqyly úmitkerlerge daýys berý týraly, Oral qalalyq máslıhatynyń depýtattaryn saılaý úshin jetekshi partııadan partııalyq tizimniń bekitilýi týraly jáne oblystyq konferentsııaǵa delegattar tizimin usyný týraly aqparattar tyńdaldy.
Kezekten tys qalalyq konferentsııanyń jalǵasy praımerızdiń ekinshi kezeńine ótken qatysýshylar arasyndaǵy jarııa pikirtalastarmen jalǵasty.
Oral qalasy boıynsha praımerızdiń ekinshi kezeńine 44 úmitker ótti. Onyń ishinde 7 úmitker partııanyń qalalyq fılıaly tóraǵasynyń kvotasy, qalǵan 37 úmitker jınaǵan upaı reıtıngileri boıynsha saılandy. Qalalyq máslıhatta saılaýshylardyń kóbeıýine baılanysty mandattar sany 22-ge jetti.
Úmitkerlerdiń ótinish-pikirleri men olardyń reıtıngtik upaılaryn eskere otyryp, partııanyń qalalyq fılıaly saıası keńesi bıýrosynyń otyrysynda ashyq pikirtalasqa 24 qatysýshy anyqtaldy. Daýys berý qorytyndysy boıynsha ótken jarııa debatqa qatysýshy 24 úmitkerdiń 12-si oblystyq partııalyq tizimge engizilse, qalǵan 12-si qalalyq partııalyq tizimde qaldy.
Oblystyq máslıhattaǵy partııalyq tizimder men Májilistegi partııalyq tizimge úmitkerlerdi anyqtaıtyn «Nur Otan» partııasynyń aımaqtyq konferentsııasy 17 qarasha kúni ótedi.
Jalpy, óńirdegi partııaishilik irikteýdiń ekinshi kezeńine ótken 44 úmitkerdiń 17-si - áıelder, 9-y - 35 jasqa deıingi jastar jáne ekeýi - múmkindigi shekteýli jandar. Sonymen qatar, praımerızdiń ekinshi kezeńine qatysýshy úmitkerlerdiń qyzmet etý salasy da ár túrli. Olardyń ishinde eń kóbi kásipkerler men bilim salasynyń mamandary bolyp tabylady.
Eske sala ketsek, praımerızdiń alǵashqy kezeńinde Batys Qazaqstan oblysy boıynsha 460 úmitker qatysýǵa ótinim bergen bolatyn. Olardyń 155-i áıelder (36,8%), 144-i 35 jasqa deıingi jastar (34,2%) boldy. Daýys berýdiń tórt kúninde partııanyń BQO fılıaly boıynsha músheleriniń 22 903-i, ıaǵnı 85 paıyzy daýys berýge belsendi qatysqan bolatyn. Partııa músheleriniń kópshiligi onlaın júıesinde daýys berdi. 18 390 adam saılaý ýchaskelerindegi uıaly telefondar men kompıýterler arqyly, al 4513-i qaǵaz bıýlletenderimen daýys bergen edi.
