Oralda poıyz taǵy bir adamdy qaǵyp ketti

ORAL. QazAqparat - Oralda poıyz taǵy bir er adamdy qaǵyp ketti, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa 11 shilde kúni Depo kópiri astynda boldy.

Jedel járdemge saǵat 09.17-de qońyraý shalynyp, brıgada tórt mınýttan keıin jetti.

Aldyn ala málimet boıynsha 80 jastaǵy er adam jabyq mı jaraqatyn alyp, mıy shaıqalǵan. Oń aıaǵy kesilgen, sol jaq jilinshigi synǵan er adam oblystyq kópbeıindi aýrýhanaǵa jetkizildi.

Qazirgi kezde oqıǵanyń jaı-japsary anyqtalý ústinde.

Eske sala keteıik, budan buryn Oralda poıyzdyń er adamdy qaǵyp ketkenin jazǵan bolatynbyz.