Oralda poıyz kele jatqanyna qaramastan, temirjol ótkelinen ótpek bolǵan júrgizýshi jaýapqa tartyldy
ORAL. QazAqparat – Oralda poıyz kele jatqanyna qaramastan, temirjol ótkelinen ótip ketpek bolǵan júrgizýshi jaýapqa tartyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, áleýmettik jelide temirjol ótkelinde turǵan avtokólik júrgizýshisiniń oǵash áreketi týraly vıdeo taralǵan bolatyn.
Atalǵan júrgizýshi poıyzdyń kele jatqanyna qaramastan, Mitsubishi avtokóligimen temirjol ótkelinen ótip ketpek bolǵan.
Patrýldik polıtsııa batalonynyń qyzmetkerleri júrgizýshiniń Oral qalasynyń 40 jastaǵy turǵyny ekendigin anyqtady.
Júrgizýshi QR Ákimshilik quqyqbuzýshylyq kodeksi 230-baby 2-bóligi (Qazaqstan Respýblıkasynyń mindetti saqtandyrý týraly zańnamasyn buzý) jáne 607-baby 1-bóligine (temirjol ótpelerinen ótý qaǵıdalaryn buzý) sáıkes ákimshilik jaýapkershilikke tartyldy.
Aıta keteıik, bıylǵy alty aıda óńirde 154 jol-kólik oqıǵasy tirkelip, sonyń saldarynan 33 adam qaza taýyp, 171-i túrli jaraqat aldy.
