Oralda poıyz áıel adamdy qaǵyp ketti
ORAL. QazAqparat - Oralda poıyz áıel adamdy qaǵyp ketti, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkenindeı, oqıǵa búgin Jelaev joly men Rýjeınıkov kóshesi qıylysyndaǵy temirjol ótkelinde boldy.
Jedel járdem saǵat 13.17-de shaqyrylyp, brıgada 13.22-de jetti.
Poıyz qaǵyp ketken jasy 50-lerdegi áıel jedel járdem kelgenge deıin kóz jumǵan.
BQO polıtsııa departamentiniń baspasóz qyzmeti bolǵan oqıǵany rastady.
Qazirgi kezde oqıǵanyń jaı-japsary anyqtalý ústinde.
