Oralda polıtsııa qyzmetkeri qyz zorlady degen kúdikke ilindi
ORAL. KAZINFORM – Oral qalasynda qyz zorlady degen kúdikke ilingen polıtsııa qyzmetkeri qamaýǵa alyndy.
BQO polıtsııa departamentiniń baspasóz qyzmetinen málim etkenindeı, Oral qalasy turǵynynyń aryzyna sáıkes atalǵan derek boıynsha qylmystyq is qozǵaldy.
– Qazirgi kezde tergeý amaldary júrgizilip jatyr. Kúni búgin atalǵan qyzmetker ishki ister organdarynan qýyldy. Kúdikti ýaqytsha ustaý ızolıatoryna qamaldy. BQO polıtsııa departamenti polıtsııa qatarynda tártip pen zań buzýshylyqtyń joly qatań kesiletinin eske salady, - dep habarlady vedomstvodan.
Eske sala keteıik, budan buryn Oralda joǵalyp ketken 15 jastaǵy qyzdyń tórt kúnnen beri izdestirilip jatqanyn jazǵan edik.
