Oralda polıtseıler turǵynnan 274 keli balyq tárkiledi

ASTANA. KAZINFORM – Oralda patrýldik polıtseıler «Bekire» jedel-profılaktıkalyq is-sharasy barysynda Hyundai Elantra avtokóligin toqtatty. Kólik salony men júksalǵyshynan kóp mólsherde balyq — móńke, kókserke jáne sazan tabyldy, dep jazady Rolisia.kz.

Júrgizýshide tasymaldanyp jatqan balyqqa qatysty eshqandaı ruqsat qujattary bolmaǵan. Tárkilengen balyqtyń jalpy salmaǵy shamamen 274 keli bolǵan.

Atalǵan fakt boıynsha qylmystyq is qozǵaldy. Avtokólik arnaıy turaqqa qoıyldy. QR QPK-niń 201-babyna sáıkes ózge aqparat jarııa etýge jatpaıdy.

Polıtsııa sý bıoresýrstarynyń zańsyz aınalymy úshin jaýapkershilik qarastyrylǵanyn eske saldy.

Eske salaıyq, Ertis-Baıan óńirindegi ózen-kólderde balyqtardyń ýyldyryq ashý shashý kezeńi bastalady. Áýesqoı balyqshylar bul ýaqytta jelbezekti sý janýarlarynyń kez kelgen túrin aýlaýǵa tyıym salynǵanyn bilýi mańyzdy.

Atyraý oblysynda bıyl balyq aýlaý lımıti 16 myń tonnaǵa jýyqtady. Kóktemgi maýsym bastalǵaly beri Jaıyq ózeninde balyqshylar aýyna kókserke kóptep túsip jatyr.