Oralda polıtsııaǵa para bermek bolǵan sheteldik azamat ustaldy
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa 3 qyrkúıek kúni N.Nazarbaev dańǵyly men M.Yqsanov kóshesiniń qıylysynda boldy.
«Skanııa» júk kóliginiń júrgizýshisi, Belarýs eliniń 1976 jylǵy azamaty tyıym salynǵan belgige qaramastan, qalaǵa kirgen.
Sheteldik azamat QR Ákimshilik quqyqbuzýshylyq kodeksi 601-baby 1-bóligine sáıkes jaýapkershilikten qutylý úshin «Shkoda Oktavııa» avtokóliginiń ishinde patrýldik polıtsııa batalonynyń ınspektory, polıtsııa kapıtanyna 15 AQSh dollary kóleminde para usynǵan.
Sol kúni osyndaı oqıǵa Atyraý-Oral jolynyń 126-shaqyrymynda, Aqjaıyq aýdany Chapaev aýyly tusynda tirkeldi.
Jyldamdyqty shekten tys arttyrǵany úshin toqtatylǵan 1992 jylǵy atyraýlyq azamat polıtsııa qyzmetkerine 2 myń teńge para usynǵan.
Qazirgi kezde eki oqıǵa boıynsha QR QK 367-baby 1-bólimine (para berý) sáıkes sotqa deıingi tergeý amaldary júrgizilýde.
Eske sala keteıik, budan buryn Oralda zorlyqpen óltirilgen 81 jastaǵy qarııanyń múrdesi tabylǵanyn jazǵan bolatynbyz.