Oralda polıtsııa qyzmetkerlerine tıisken turǵyn jaýapqa tartyldy

ORAL. QazAqparat – Oralda polıtsııa qyzmetkerlerine tıisken turǵyn ákimshilik jaýapqa tartyldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa qaladaǵy mıtıngi kezinde boldy.

Sh. degen turǵyn oblys ákimdigi mańynda qyzmetin atqaryp júrgen polıtsııa qyzmetkerlerine balaǵat sózder aıtyp, tıisken. Sodan keıin bireýiniń jaǵasynan ustaýǵa árekettengen. Sóıtip ol polıtseılermen janjal týdyrýǵa tyrysqan. Biraq tártip saqshylary oǵan shara qoldanbaı,

aýyzsha eskertýmen shektelgen.

Sh. QR Ákimshilik quqyqbuzýshylyq kodeksi 434-baby 1- bóligine (usaq buzaqylyq) sáıkes jaýapqa tartyldy.

Qazirgi kezde ol áreketine ókinip, beıneúndeý jarııalap, azamattar men polıtsııa qyzmetkerlerinen keshirim surady.

Eske sala keteıik, budan buryn Batys Qazaqstanda 10 adamnyń ákimshilik qamaýǵa alynǵanyn, Oralda tótenshe jaǵdaı talabyn buzǵan turǵyndar ustalǵanyn jazǵan bolatynbyz.

Sondaı-aq Oralda Ulttyq ulan sodyrlarmen urysta qaza tapqan bozdaqtardy eske aldy.