Oralda polıtsııa qyzmetkeriniń jalǵan nómirmen kólik júrgizgeni anyqtaldy
Bul derek Batys Qazaqstan oblystyq sybaılas jemqorlyqqa qarsy qyzmet pen oblystyq polıtsııa departamenti ózindik qaýipsizdik basqarmasynyń qyzmetkerleri 15 tamyz kúni birlesip júrgizgen reıd barysynda belgili boldy.
«Adaldyq alańy» respýblıkalyq jobalyq keńse jetekshisi Tólegen Baıǵulov Facebooc-tegi paraqshasynda málim etkenindeı, reıd kezinde toqtatylǵan, polıtsııa qyzmetkeri júrgizgen Kia Optima avtokóligine jalǵan nómir taǵylǵan bolyp shyqty. Avtokólik aıyp turaǵyna jetkizildi.
BQO polıtsııa departamentiniń baspasóz qyzmeti atalǵan avtokóliktiń rýlinde Oral qalasy polıtsııa basqarmasynyń qyzmetkeri otyrǵandyǵyn rastady.
Polıtsııa qyzmetkerine qatysty QR Ákimshilik quqyqbuzýshylyq kodeksi 590-baby 4-bóligine (kórineý jalǵan nemese qoldan jasalǵan memlekettik tirkeý nómiri belgileri bar kólik quralyn basqarý) sáıkes ákimshilik hattama toltyryldy. Materıal sotqa joldandy.
Eske sala keteıik, budan buryn Oralda kóshede esirtki alyp bara jatqan adam ustalǵanyn jazǵan bolatynbyz.