Oralda polıtsııa qyzmetkeri kóligimen velosıped mingen balany qaǵyp ketti
ORAL. QazAqparat - 13 shilde kúni shamamen saǵat 19.15-te Oral qalasynda BQO memlekettik mamandandyrylǵan kúzet qyzmeti basqarmasynyń 1982 jylǵy J. degen polıtseı-júrgizýshisi «Shans» avtokóligimen Qurmanǵazy kóshesi 169-úıdiń aýlasynan shyǵa bergende, «Gúlder» dúkeniniń janynda «Stels» velosıpedimen kele jatqan Mıchýrın orta mektebiniń 8-synyp oqýshysy, 2004 jylǵy Aleksandr esimdi balaǵa jol bermeı, qaǵyp ketken, dep habarlaıdy «QazAqparat» tilshisi.
Oral qalalyq ishki ister basqarmasynyń baspasóz qyzmetinen túsken málimetke qaraǵanda, jol-kólik oqıǵasy saldarynan jasóspirim oblystyq kópbeıindi balalar aýrýhanasynyń jaraqat pýnktine jetkizilgen. Oǵan «sol aıaǵy synyp, ornynan qozǵalǵan» degen dıagnoz qoıylǵan.
Medıtsınalyq saraptama qorytyndysyna sáıkes júrgizýshi ishimdik ishpegen.
