Oralda polıtsııa qyzmetkeri 70 myń teńge para alý kezinde ustaldy

ORAL. QazAqparat – Oralda polıtsııa qyzmetkeri para alý ústinde ustaldy, dep habarlaıdy QazAqparat tilshisi.

BQO polıtsııa departamentiniń resmı ókili Bolatbek Belgibekovtiń málim etkenindeı, Oral qalasyndaǵy jedel basqarý ortalyǵynyń qyzmetkeri, polıtsııa maıory 11 aqpan kúni qolǵa túsken.

Ony departamenttiń ózindik qaýipsizdik basqarmasynyń qyzmetkerleri 70 myń teńge para alý kezinde ustaǵan.

«Qazirgi kezde is QR Sybaılas jemqorlyqqa qarsy is-qımyl agenttigine berildi. Basqa aqparat jarııa etilmeıdi», - dedi QazAqparat tilshisine B.Belgibekov.