Oralda polıtsııa qyzmetkeri 58 jastaǵy er adamdy kóligimen qaǵyp, qashyp ketken
BQO polıtsııa departamenti anyqtaý basqarmasynyń bastyǵy Ernar Jaqsybaevtyń aıtýynsha, oqıǵa 18 qyrkúıek kúni saǵat 00.47-de B.Momyshuly kóshesinde boldy.
Júrgizýshi 1964 jylǵy jaıaý adamdy avtokóligimen qaǵyp ketip, oqıǵa ornynan boı tasalaǵan. Alǵan jaraqattary saldarynan er adam oqıǵa ornynda kóz jumdy.
Jedel izdestirý is-sharasy barysynda 21 qyrkúıek kúni osy qylmysqa kúdikti retinde 1992 jylǵy turǵyn ustalyp, QR Qylmystyq is júrgizý kodeksiniń 128-babyna sáıkes ýaqytsha ustaý ızolıatoryna qamaldy. Kúdikti polıtsııa qyzmetkeri bolyp shyqty. Hyundai avtokóligi arnaıy turaqqa qoıyldy.
BQO polıtsııa departamenti jergilikti polıtsııa qyzmeti basqarmasynyń bastyǵy Mırhat Ájenovtiń málim etkenindeı, kúdiktiniń polıtsııa qyzmetkeri bolǵanyna qaramastan, osyndaı qatań sharalar qabyldandy.
«Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde. Birqatar saraptama taǵaıyndaldy. Atalǵan is departament qana emes, QR Іshki ister mınıstrligi basshylyǵynyń da baqylaýynda», dedi M.Ájenov.
Eske sala keteıik, budan buryn Oralda 26 jastaǵy jigittiń toǵyzynshy qabattan sekirip ketkenin jazǵan bolatynbyz.