Oralda polıtsııa avtokóligi janyp ketti
ORAL. QazAqparat – Oralda polıtsııa avtokóligi janyp ketti, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa 12 maýsym kúni saǵat 16.05-te Gagarın kóshesindegi Departamenttiń patrýldik polıtsııa batalony ákimshilik ǵımaratynyń aýlasynda bolǵan. «Shkoda Oktavııa» patrýldik avtokóligi órtendi.
2014 jyly shyǵarylǵan avtokólik batalonǵa bekitilgen. Batalon ınspektory avtokólikti qoıǵannan keıin tútin shyǵyp, jana bastaǵan. Óz kúshterimen órtti sóndire almaǵan. «Tilsiz jaýdy» BQO TJ departamenti №1 órt sóndirý bóliminiń órt sóndirýshileri aýyzdyqtady.
Oqys oqıǵadan eshkim zardap shekpedi.
Atalǵan derek Oral polıtsııa basqarmasynyń aqparattardy esepke alý kitabyna tirkeldi.
Qazirgi málimet boıynsha symnyń tuıyqtalýynan ot shyqqan. Ó rt-tehnıkalyq saraptama taǵaıyndaldy. Oǵan qosa departamenttiń jergilikti polıtsııa qyzmeti basqarmasy qyzmettik tekserý júrgizip, oqıǵanyń sebepterin anyqtaýda.
Eske sala keteıik, budan buryn Oralda elektr jóndeýshi mamandy tok soǵyp, mert bolǵan edi.
