Oralda polıtseılerge para bermek bolǵan ózbekstandyq ustaldy
ORAL. QazAqparat – Oralda polıtseılerge para bermek bolǵan ózbekstandyq azamat ustaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 24 aqpan kúni shamamen saǵat 18.50-de Samara-Shymkent joly boıyndaǵy «Eýrazııa» kempıngi mańynda boldy.
Patrýldik avtokólik salonynda 1991 jylǵy ózbekstandyq azamat QR Ákimshilik quqyqbuzýshylyq kodeksi 590-baby 7-bóligine sáıkes ákimshilik jaýapkershilikke tartpaýdy ótingen. Sol úshin patrýldik polıtsııa batalonynyń aǵa ınspektory, polıtsııa aǵa leıtenanty B.Sálimov pen ınspektor, polıtsııa leıtenanty B.Ábdimanapulyna 2 myń teńge para bermek bolǵan.
Anyqtalǵanyndaı, «Lada Largýs» avtokóliginiń júrgizýshisi sol kúni saǵat 18.30-da jol qozǵalysy erejesi talaptaryn (tıisti ruqsatsyz qaıta jabdyqtalǵan kólikti aıdaý) buzǵan. Soǵan sáıkes ákimshilik hattama toltyrylǵan.
Qazirgi kezde kúdiktige qatysty QR QK 367-baby 1-bóligine (para berý) sáıkes tergeý amaldary júrgizilýde. Oǵan mindetti túrde kelý túrindegi protsessýaldyq májbúrleý sharasy qoldanyldy.
Osylaısha jyl basynan beri polıtseıler paradan bas tartqan besinshi derek tirkeldi.
