Oralda polıtseılerden qashqan er adam óziniń tamaǵyn tilip jibergen
ORAL. QazAqparat – Oralda polıtseılerden qashqan er adam óziniń tamaǵyn tilip jibergen, dep habarlaıdy QazAqparat tilshisi.
Oqıǵa búgin «Nur Otan» partııasy oblystyq fılıaly ǵımaratynyń janynda boldy.
BQO polıtsııa departamenti bastyǵynyń birinshi orynbasary Janbolat Janshınniń aıtýynsha, 27 mamyr kúni saǵat 09.26-da 1989 jylǵy turǵyn túnde belgisiz bireýlerdiń Q.Amanjolov kóshesi boıyndaǵy aýladan «Kia Sportage» avtokóligin aıdap ketkeni jóninde habarlaǵan.
Habar túsken boıda «Tosqaýyl» jospary jarııalanyp, avtokólikti izdeýge Oral qalasy polıtsııa basqarmasynyń jeke quramy jumyldyryldy.
Saǵat 12.25-te avtokóliktiń J.Dosmuhamedov kóshesi boıyndaǵy jeke úıdiń aýlasynda turǵany anyqtaldy.
Aýladaǵy eki er adamnyń bireýi ustalyp, ekinshisi polıtsııa qyzmetkerlerinen qashqan. Qashyp bara jatyp, óziniń tamaǵyn tilip jibergen.
Polıtseılerdiń jedel is-qımyly arqasynda ol ustalyp, jedel járdem de ýaqtyly shaqyryldy. Osylaısha quqyq buzýshynyń ózine aýyr jaraqat keltirýine jol berilgen joq.
Bastapqy medıtsınalyq kómek kórsetilgennen keıin er adam polıtsııa qyzmetkerlerine berildi.
Qazirgi kezde oqıǵanyń jaı-japsary anyqtalý ústinde.
