Oralda «Pıvovar» kafesi órtenip ketti
ORAL. QazAqparat – Oralda «Pıvovar» kafesi órtenip ketti, dep habarlaıdy QazAqparat tilshisi.
BQO TJ departamentiniń bastyǵy Jasulan Jumashevtiń málim etkenindeı, M.Sholohovtiń kóshesi 35-mekenjaıynda jazǵy kafeniń janyp jatqany jóninde habar túsken.
Aldyyn ala málimet boıynsha órt aýmaǵy 250-300 metrdi qurady. Kafeniń janynda qos birdeı janar-jaǵar maı quıý stansasy bolǵandyqtan, garnızondy jumyldyrý jóninde sheshim qabyldandy.
Órt sóndirýshilerdiń batyl da jedel is-áreketi nátıjesinde oqıǵa ornynan 4 gaz, 2 ottegi ballony jáne aqsha aıyrbastaý pýnktinen qundy zattar shyǵaryldy.
Zardap shekkender joq.
«Tilsiz jaýdy» aýyzdyqtaýǵa 83 qyzmetker, 22 tehnıka qatysty.
Órt saǵat 18.50-de oqshaýlanyp, 19.37-de sóndirildi.
Qazirgi kezde órttiń shyǵý sebebi, aýmaǵy, keltirilgen shyǵyn anyqtalý ústinde.
Sonymen qatar búgin saǵat 16.20-da A.Matrosov kóshesinde jeke turǵyn úı otqa orandy. Onyń aýmaǵy 140 sharshy metrdi qurady. Bul órt te 16 adam, 5 tehnıkanyń qatysýymen saǵat 19.50-de sóndirildi.
26 mamyr kúni keshkisin Aqjaıyq aýdany Bazarsholan aýyly Abaı kóshesinde 237 sharshy metr sharýashylyq qurylysy men 6 tonna pishen janyp ketti. Erikti órt sóndirý qurylymy men aýyl turǵyndarynyń belsendi is-qımyly nátıjesinde bul órt turǵyn úıdi sharpymaı, búgin 02.57-de joıyldy.
