Oralda páterlerdiń birinen er adamnyń múrdesi tabyldy
ORAL. QazAqparat – Oralda páterlerdiń birinen er adamnyń múrdesi tabyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 31 naýryz kúni Qurmanǵazy kóshesi 164-úıde oryn aldy.
Páterlerdiń birinen tabylǵan 1962 jylǵy er adamnyń denesinde zorlyqpen óltirý belgileri bolmaǵan.
Osy úıde koronavırýs juqtyrǵan adamnyń tabylǵany jóninde áleýmettik jelilerde aýdıojazba tarap úlgerdi.
«Atalǵan azamattyń 16 naýryz kúni Reseı Federatsııasynan kelgendigi anyqtaldy. Soǵan baılanysty koronavırýstyń taralýyna jol bermeý maqsatynda múrde barlyq qaýipsizdik talaptaryn saqtaı otyryp tasymaldanady. Turǵyndardan sabyr saqtap, anyq emes málimetti taratpaýlaryn suraımyz. Kórineý jalǵan aqparat taratqan adamnyń QR QK 274-baby 4-bóligi 2-tarmaǵyna sáıkes qylmystyq jaýapkershilikke tartylatynyn eskertemiz», dep habarlady departamenttiń baspasóz qyzmeti.
Ólimniń sebebin anyqtaý úshin múrde sot-medıtsınalyq saraptamaǵa jiberiledi.
Eske sala keteıik, budan buryn Oralda naýqas adam turǵan úıden karantın alynǵanyn jazǵan bolatynbyz.
