Oralda páterden 5 mln teńge jymqyrǵan urylar ustaldy
BQO polıtsııa departamentiniń baspasóz qyzmeti málim etkenindeı, urylar H.Dospanova kóshesindegi páterge tereze arqyly kirgen.
Sodan keıin 1982 jylǵy azamatqa tıesili qarjyny úptep ketken. Keltirilgen zalal kólemi – 5 mln teńge.
Qabyldanǵan is-sharalar nátıjesinde urylar qolǵa tústi. Olardyń deni basqa óńirlerden kelgen bolyp shyqty. 1990 jylǵy J. degen kúdikti Shyǵys Qazaqstan oblysynyń turǵyny bolsa, 1986 jylǵy E. Túrkistannan kelgen. 1971 jylǵy I. elordaniki bolsa, 1982 jylǵy D. – Oral qalasynyń turǵyny.
«Urlanǵan qarajat tárkilendi. Qazirgi kezde QR QK 188-baby 3-bóligine (urlyq) sáıkes sotqa deıingi tergeý amaldary júrgizilýde», dep habarlady vedomstvodan.
Eske sala keteıik, budan buryn polıtseıge para bermek bolǵan Oral turǵyny ustalǵanyn jazǵan edik.