Oralda páterde órt bolyp, seksen jastaǵy zeınetker aýrýhanaǵa jatqyzyldy
ORAL. QazAqparat - 16 naýryz kúni saǵat 21.32-de Gagarın kóshesi 34-mekenjaıynda ornalasqan 14 qabatty úıdiń 7-qabatyndaǵy páterdiń órtenip jatqany jóninde málimet túsken, dep habarlaıdy «QazAqparat» HAA tilshisi.
BQO TJ departamenti órt sóndirý jáne apattyq-qutqarý jumystary qyzmetinen Jazıra Ábdirahmanovanyń habarlaǵanyndaı, saǵat 22.04-te órttiń beti qaıtyp, 22.33-te tolyqtaı sóndirilgen. 15 sharshy metr aýmaqty qamtyǵan órt saldarynan 1938 jylǵy páter ıesi zardap shegip, qalalyq kópbeıindi aýrýhanaǵa orta dárejeli gazdan ýlaný dıagnozymen jatqyzylǵan.
Órt kezinde 20 adam shyǵarylsa, sonyń úsheýi - balalar.
«Tilsiz jaýdy» aýyzdyqtaýǵa 11 tehnıka, jeke quramnan 31 adam jumyldyrylǵan.
Órttiń shyǵý sebepteri, keltirilgen shyǵyn jáne kináli adamdar anyqtalý ústinde.
